Fasteignasalan Bær og Páll Guðjónsson kynna: Falleg og nýleg studioíbúð með sér inngangi á jarðhæð við Traustatún 8, 840 Laugarvatn. Eigninni fylgir sér afnotaréttur á lóð ásamt timburverönd. Húsið er tveggja hæða steinsteypt og klætt með viðhaldslítilli klæðningu. Laugarvatn er þekkt fyrir heilsutengda ferðaþjónustu eins og Laugarvatn Fontana (laugar/gufa/ylströnd) ásamt nálægð við helstu náttúruperlur Suðurlands, er staðsett í mðjum Gullna hringnum. Eignin er frábær sem fyrstu kaup eða sumar/vetrar dvalastaður í kyrrðinni í hjarta Bláskógabyggðar.

Nánari lýsing:
Komið er inn í litla forstofu, þar innaf er góður fataskápur. Rúmgott alrými með fallegri eldhúsinnréttingu, innfeldum ísskáp og uppþvottavél. Svefnkrókur ásamt stórum fataskáp. Útgengi út á timburverönd. Baðherbergi með lítilli innréttingu með innfeldum vaski, flísar á gólfi og við sturtu, upphengt salerni, tengt fyrir þvottavél. Á gólfum íbúðar er fallegt harðparket nema á baðherbergi og forstofu, þar eru flísar. Innréttingar eru frá Parka. Um er að ræða vel staðsetta eign í tveggja hæða fimm íbúða fjölbýlishúsi. Fallegt útsýni yfir Laugarvatn og næsta nágrenni.
Nánari upplýsingar gefur Páll Guðjónsson lögg. fasteignasali í síma 699 4994 eða á netfangið [email protected]