Fasteignasalan BÆR, Auður & Ólafur kynna: Vel skipulagt og mikið endurnýjað endaraðhús á einni hæð á Flötunum í Garðabæ.  Glæsileg eign á mjög vinsælum stað.  Fjölskylduvænt hús með óvenju stórri lóð og mjög stórri upphitaðari innkeyrslu.  Arinn í stofu með drápuhlíðargrjóti sem skreytir valda veggi. Pantið einkaskoðun.
 
Að sögn seljenda hefur eignin verið mjög mikið endurnýjuð á síðustu árum og hvergi til sparað.  Búið er að innrétta alla íbúðina upp á nýtt þ.m.t nýjar innréttingar (frá Brúnás), leggja nýtt rafmagn (þ.m.t raflagnaefni og rafmagnstöflu), leggja nýtt gólfefni með hita í gólfum og þá eru niðurtekin loft í stærsta hluta hússins. Búið er að skipta um flesta glugga í húsinu. 
 
Næturlýsing er neðarlega á göngum og innréttingum á baði og í eldhúsi ásamt næturlýsingu bæði framan og aftan við hús.   Mjög stór upphituð innkeyrsla sem rúmar vel 6 – 8 bíla sem var gerð 2022.   Heitur pottur í garði þar sem einnig er að finna þrískiptan pall með lýsingu.  Húsið er nýlega málað og þakið málað og yfirfarið á síðust tveimur árum.
 
Veröndin er þakinn gróðri á sumrin og bíður upp á gott skjól ásamt „prívasí“.  Lóðin er óvenju stór eða um 1620 fm2.  Tvöfaldur bílskúr er í húsinu og er hann að hluta nýttur sem unglingaherbergi með sér baðherbergi.  Sér inngangur er í herbergið.
 
Í húsinu eru fjögur svefnherbergi, auk þess sem útbúið hefur verið herbergi í bílskúr með sér inngangi.  Tvö baðherbergi eru í húsinu (þar af eitt í bílskúr).  Stór og björt stofa með útgangi út á verönd fyrir aftan hús.  Í húsinu er um 40 fm2 sólskáli sem búið er að breyta í „hobbý“ herbergi og býður upp á mikla möguleika.
​​​​
Nánari lýsing:
Anddyri: með gólfflísum og rúmgóðum fataskápum.
Eldhús: er með fallegri eldhúsinnréttingu frá Brúnás með góðu skápaplássi og granit borðplötu. Vönduð tæki frá AEG; span helluborð, háfur, ofn, ásamt vaski og tengt fyrir uppþvottavél. 
Stofa: er mjög rúmgóð og björt með útgöngudyr á baklóð. Þar eru 3 stórir samliggjandi sólpallar, sem eru samtals 59,2 fm og skjólgóður garður ásamt heitum potti. 
Tómstundastofa/sólstofa: er stór og björt með útgöngudyr á baklóð.
Baðherbergi: með flísum á gólfi og veggjum. Upphengt klósett, innrétting og baðkar með sturtu.
Hjónaherbergi: með fataherbergi. 
Svefnherbergi eru 3 til viðbótar við hjónaherbergi: eitt forstofuherbergi og tvö á svefnherbergjagangi.
Þvottahús: vaskur, tengt fyrir þvottavél og þurrkara. Flotað gólf.
Gólfefni: parket nema flísar í anddyri, baðherbergi & forstofuherbergi. 

Tvöfaldur bílskúr er 40,6 fm samkvæmt skráningu HMS. Bílskúrinn er nýttur í dag sem geymsla í fremri hluta. Aftari hlutinn hefur verið nýttur sem unglingaherbergi með sér baðherbergi. Sér inngönguhurð er aftan á bílskúrnum inn í herbergið. Þetta herbergi er til viðbótar 6 herbergja húsinu.

Eignin er skráð þannig hjá HMS: íbúð 125,4 fm og bílskúr 40,6 fm, samtals 166 fm. Byggingarár hússins er 1969. 
Húsið hefur verið teiknað upp samkvæmt núverandi útfærslu og er samkvæmt því í raun 227 fm. Það er í ferli að fá skráninguna leiðrétta. Athugið að fasteignamat byggir á skráningu hússins eins og það er skráð í dag sem 166 fm.

Mjög vel skipulagt hús á einni hæð sem vert er að skoða.
Flataskóli, leikskólinn Kirkjuból og tónlistaskóli Garðabæjar eru í hverfinu. Verslanir, veitingastaðir og þjónustufyrirtæki eru líka í hverfinu.

Allar nánari upplýsingar veita:
Auður Sigr Kristinsdóttir s 824-7772 & tölvupóstur [email protected] 
Ólafur Tr Thors s 666-8-777 & tölvupóstur [email protected]

Gjöld sem kaupandi þarf að standa straum af vegna kaupanna:
1. Stimpilgjald af kaupsamningi - 0,8% hjá einstaklingum og 1,6% hjá lögaðilum af heildarfasteignamati.
2. Þinglýsingargjald af kaupsamningi, veðskuldabréfi, mögulegu veðleyfi o.fl. - kr. 2.700 af hverju skjali.
3. Lántökugjald lánastofnunar - nánari upplýsingar á heimasíðu lánastofnana.                 
4. Umsýslugjald til fasteignasölu, sbr. kauptilboð

Um skoðunar- og aðgæsluskyldu kaupenda: Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Vill Fasteignasalan Bær því skora á væntanlega kaupendur að kynna sér vel ástand fasteigna fyrir kauptilboðsgerð og leita til þar til bærra sérfræðinga um nánari skoðun ef þörf er á. 
Forsendur söluyfirlits: Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og til húsfélags, þegar um það er að ræða. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni. Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak.