512 3400
Básbryggja,110 Reykjavík (Árbær)
67.500.000 Kr
Fjölbýli
3 herb.
128 m2
67.500.000

Tegund: Fjölbýli

Stærð: 128 fm

Herbergi: 3

Stofur: 1

Svefnherbergi: 2

Baðherbergi:1

Inngangur: Sameig.

Byggingaár: 1999

Lyfta:

Brunabótamat: 45.670.000

Fasteignamat: 46.700.000

Áhvílandi: 0

Lýsing

Fasteignasalan BÆR, Auður & Ólafur kynna: rúmgóða 3ja herbergja íbúð með bílskúr og einkastæði á 1. hæð í Básbryggju 51 í góðu lyftuhúsi á frábærum stað í Bryggjuhverfinu í 110 Reykjavík. 

Einstaklega glæsileg, rúmgóð og björt íbúð á frábærum útsýnisstað. Íbúðin er á 1 hæð, með þrepalausu aðgengi, á horni fjölbýlishúss með sjávarútsýni á tvo vegu. Annars vegar er horft yfir Elliðavog, Sundahöfn og ós Grafarvogs, þar sem fuglalíf er fjölbreytt allan ársins hring, og hins vegar yfir smábátahöfnina sem tilheyrir hverfinu. Aðgengi er mjög gott, rampur upp að dyrum frá bílastæði og lyfta til efri hæða. Greið leið er að fjölda göngustíga um hverfið.  Húsið stendur við enda botnlanga og er umferð um hann lítil.
Hverfið er óðum að taka á sig endanlega mynd og framundan er fyrirhuguð uppbygging sem inniheldur aukna þjónustu og afþreyingu, þar á meðal sundlaug. 


Svefnherbergin eru stór og björt og íbúðin nýmáluð, en innan hennar er sér þvottahús.  Bílskúrinn er 30,7 fermetrar með flísalögðu gólfi.

Nánari lýsing:
Að utan er gengið inn í glæsilegan almenning með voldugum hringstiga í miðju. Þetta er hlýlegt og snyrtilegt rými.
Þaðan er gengið inn í anddyri íbúðarinnar með fallegum innbyggðum fataskápum frá gólfi upp í loft.
Til vinstri er hol sem býður upp á margs konar nýtingu og hefur gegnt hlutverki sjónvarpshols (geymsla innan íbúðar, sem sýnd er á teikningu hefur ekki verið stúkuð af, heldur er hluti af þessu holi).
Úr anddyri og holi er gengið inn í bæði svefnherbergi og stofu, en eldhús og stofa eru opið alrými.
Stofan er rúmgóð og björt og svalir til vesturs út frá henni. Svalirnar eru yfirbyggðar og tréflísar á gólfi. Útsýni af svölunum er alveg einstakt.
Eldhúsið er með góðri U-laga innréttingu, keramikhelluborði, ofni, vaski og tengi fyrir uppþvottavél. Gluggi yfir vaskinum vísar út að smábátahöfninni.
Svefnherbergin eru stór, tæpir 13 fermetrar hvort, bæði með fataskápum, sem þó eru mun stærri í hjónaherberginu. Það snýr í norðvestur en hitt svefnherbergið til suðvesturs og getur einnig nýst prýðilega sem vinnuherbergi.
Þvottahúsið er flísalagt með tengi fyrir þvottavél og stæði fyrir vélar í vinnuhæð.
Öll gólf í íbúðinni eru parketlögð utan votrýma.

Eignin er skráð þannig hjá ÞÍ: íbúð 97,9 fm. Bílskúr er 30,7 fm. Samtals en birt stærð 128,6 fm. Byggingarár hússins er 1999.
Í bílskúrnum eru vinnuborð og vaskur með heitu og köldu vatni.
Sér geymsla er á 1. hæð.
Hjólageymsla er einnig á 1. hæð og inn í hana er gengið beint af gangstétt.
Hér má kynna sér fyrirhugaða uppbyggingu í hverfinu: https://graenaplanid.reykjavik.is/vaxandi-borg/graen-ibudauppbygging/artunshofdi-og-ellidaarvogur/bryggjuhverfi

Allar nánari upplýsingar veita:
Auður Kristinsdóttir s 824-7772 & tölvupóstur audur@fasteignasalan.is / Ólafur Tr Thors s 666-8-777 & tölvupóstur olafur@fasteignasalan.is

Gjöld sem kaupandi þarf að standa straum af vegna kaupanna:
1. Stimpilgjald af kaupsamningi - 0,8% hjá einstaklingum og 1,6% hjá lögaðilum af heildarfasteignamati.
2. Þinglýsingargjald af kaupsamningi, veðskuldabréfi, mögulegu veðleyfi o.fl. - kr. 2.500 af hverju skjali.
3. Lántökugjald lánastofnunar - nánari upplýsingar á heimasíðu lánastofnana.                 4. Umsýslugjald til fasteignasölu, sbr. kauptilboð

Um skoðunar- og aðgæsluskyldu kaupenda: Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Vill Fasteignasalan Bær því skora á væntanlega kaupendur að kynna sér vel ástand fasteigna fyrir kauptilboðsgerð og leita til þar til bærra sérfræðinga um nánari skoðun ef þörf er á. 
Forsendur söluyfirlits: Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni. Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak.  
 

Viltu vita meira?

Skilaboð hafa verið send.